Gindakop sang mga katapo sang National Bureau of Investigation (NBI) ang isa ka self-proclaimed nga obispo kag iya asawa nga ginapahayag nga naga-operate sang simbahan sang isa ka religious sect sa Baras, Rizal apang ginapatihan nga ginagamit lamang ini nga front sa pagpatigayon sang illegal job recruitment.
Ang mga suspek amo sanday Reynaldo Basalio, nga ginatudlo nga pinuno sang Faithful Promise Foundation Philippines Inc., kag iya asawa nga si Esclarmonde.
Ginhimo sang otoridad ang raid kasunod sang reklamo sang mga nagapangita sang trabaho nga may yara sang illegal recruitment agency nga nagapromisa sang trabaho bilang factory workers, mechanical engineers, kag iban pa nga ubra sa Japan, South Korea, kag Papua New Guinea.
Sila ang ginapromisahan sang sweldo nga yara sa P36,000 tubtob P120,000.
Ang mga biktima ginapahayag nga ginahatagan sang tourist visas kag ginatudluan nga ipresentar ang ila kaugalingon sa Immigration bilang mga misyonaryo.
Apang suno sa ila, ang iban sa ila ang gin-offload, may yara man sang gin-deploy apang ang iban nagahulat gihapon.
Sila ang ginasukot man sang indi magnubo sa P50,000 kada isa bilang bayad sa pagproseso sang ila mga travel documents kag employment.
Nagapangatubang subong ang mag-asawa sang kaso nga large-scale illegal recruitment nga isa ka opensa nga wala sang piyansa sa idalom sang Republic Act 8042 ukon ang Migrant Workers and Overseas Filipinos Act.
 ang isa ka self-proclaimed nga obispo kag iya asawa.){kind=link}