ILOILO CITY–Nangin matawhay ang pagsaulog sang semana santa sa probinsya sang Iloilo.
Sa interview sang Bombo Radyo kay Police Col. Marlon Tayaba, director Iloilo Police Proincial office (IPPO) iya ginpahayag nga duha ka insidente ang narekord sang kapulisan kag ini ang insidente sang pagkalunod sa Passi City kag Barotac Viejo.
Suno kay Tayaba nga wala man sang reported incident sa mga banwa kun sa diin nahamtang ang mga pilgrimage sites.
Ang kooperasyon kag pagsunod sang mga pumuluyo sa mga panugyan suno kay Tayaba ang isa man sa nakabulig kun ngaa wala man sang mga dalagko nga insidente.
Ginpasalamatan sini ang media sa pagpalab-ot man sang ila mga implementasyon sa mga tawo lakip na ang pagpasalamat sa mga tawo kag sa mga kapulisan man nga nagkooperar agud mangin madinalag-on kag malinung ang semana santa.
