May ginapilit si Senator Ping Lacson nga mag-ubra sang wala kamatuoran nga istorya agud mapakita sa publiko nga may maanomalya ukon ghost flood control projects ang siudad sang Taguig.
Ini ang ginbuyagyag nga alegasyon ni Senate Minority Leader Alan Peter Cayetano sa iya facebook live subong, Oktubre 10.
Suno sa senador, may ara sang mga nagapalapit sa iya nga contractors nga ginapahog kag ginapilit ni Lacson nga magpirma sang preparado na mga affidavit nga magapakalain sa ila pamilya.
Kabahin na diri ang anum ka mga contractors nga ginpilit ni Lacson, apang duha lang ang nagpirma.
Pahayag ni Cayetano, ginpahog pa ni Lacson ang apat ka nabilin nga pasakaan ang mga ini sang plunder case kun indi magsunod sa iya nga mando.
Madumduman nga padayun nga ginaimbestigaran mismo ni Senator Lacson ang ginpahayag sini mga iregularidad sa pila ka proyekto sa siudad sang Taguig.
Sa subong, wala pa sang ginpaguwa nga sabat si Lacson.
