Posible nga mabasura ang ethics complaint batok kay Sen. Bato Dela Rosa bangud sa padayon sini nga pag-absent sa senado apisar nga may ara ini sang obligasyon bilang senador sang pungsod.
Ginpahayag ni Ethics Committee Chairman Senator JV Ejercito nga kinahanglan anay nga amyendahan ang Senate rules angut sa hingyo sa ethics complaint nga indi pagpaswelduhon si Dela Rosa.
Suno kay Ejercito nga wala sang provision sa rules sang Senate Committee on Ethics and Privileges nahanungod sa polisa nga “no work, no pay.”
Nahibaluan nga naglab-ot na sa apat ka bulan ang pag-absent ni Dela Rosa sa Senate plenary sessions kag committee hearings kasunod sang pag-tag sini sa iya bilang co-perpetrators nga gina-alegar kaangtanan sini sa kaso nga ginapangatubang ni Duterte sa International Criminal Court (ICC).
Dugang pa ni Ejercito nga wala ginadepensahan sang senado ang kaangay nila nga upod nga senador sa ginapangatubang sini nga reklamo.
Suno pa sa iya nga sila man mismo nga kaangay nga senador ang nagadali man nga mapasar ang adoption of rules agud tanan sila ang makadesisyon.
