Ginlaslasan ni Senator Nancy Binay ang Department of Transportation (DOTr) kag ang Land Transportation Franchising and Regulatory Board (LTFRB) bangud sa kapaslawan nga makahatag sang cash aid para sa mga displaced public utility vehicle drivers sa pihak sang COVID-19 pandemic.
Gintawag ni Binay ang duha ka mga ahensya nga “single-biggest job stranglers” matapos ang report sang Commission on Audit (COA) nga 1% lamang sang P5.58 billion nga cash aid para sa PUV drivers ang naggamit.
Gina-amat amat patay sang DOTr kag LTFRB ang mga drivers umpisa sang pandemya nga dapat kuntani pahayag sang senador, hatagan man sang bisan gamay nga dignidad ang mga drivers nga ginpa-untat na sang byahe, gindalokan pa sang ayuda.
Gin-ako ni Binay nga dismayado siya sa gobyerno — national man kag department levels bangud sa indi pag-prioritize sa welfare sang mga drivers.
Dugang pa niya, indi gid mabaton ang pagpang-ipit kag pagpabaya sang LTFRB. Ang P5.58 billion nga para kuntani sa Service Contracting Program ang makabulig sa linibo nga mga pamilya nga naga-igod agud lang nga mabuhi adlaw-adlaw.
