Ginsiling ni Senador Bong Go nga ang gin-file nga kaso ni anay Senador Antonio Trillanes batok sa iya ang kabahin sang “diversionary tactics” para ilikaw ang atensyon sang publiko sa matuod nga isyu sang korapsyon sa gobyerno.
Ginpahayag sang senador nga ang dapat lagson amo ang mga matuod nga may kahilabtanan sa korapsyon kag ghost projects sa idalom sang flood control program sang gobyerno.
Suno sa iya, sala nga tawo ang ginpuntirya ni Trillanes kag ngaa indi sini ginkasuhan ang mga matuod nga korap.
Ginpasiguro man sang senador nga wala siya magpagamit sa bisan ano nga negosyo sang iya pamilya kag wala man niya gingamit ang iya posisyon para paboran sila.
