ILOILO CITY- Gindepensahan ni Senator Franklin Drilon si PhilHealth President Ricardo Morales sa tunga sang kontrobersiya nga tuhoy sa korapsyon sa ahensya.
Sa interview sang Bombo Radyo kay Senator Drilon, iya ginpahayag nga nagapati siya nga wala sang labot si Morales sa nagakatabo nga korapsyon kag indi ini coddler sang sindikato sa sulod sang PhilHealth.
Suno kay Drilon, may yara sang mafia ukon mga tawo sa idalom nga amo ang nagahimbunanay agud mangawat sang kaban sang korporasyon.
Pahayag ni Drilon, ini man nga mga tawo ang nagapadihot sang mga nagakatabo nga overpricing sa mga procurement sang ahensya.
Matandaan nga sa Senate hearing kahapon, ginpisa-pisa sang mga senador si Morales bangud sa kapaslawan sini nga tapnaon ang korapsyon sa PhilHealth.
Natalana naman nga patigayunon sa masunod nga semana ang ikaduha nga bahin sang amo nga hearing.