ILOILO CITY – Nagpahanumdom ang pila ka senador nga indi maghinay-hinay sa mangin desisyon may kaangtanan sa Martial Law sa Mindanao kun palawigon ini ukon indi.
Sa interview sang Bombo Radyo Iloilo, ginpahayag ni Sen. JV Ejercito nga kinahanglan nga tun-an sang maayo antes magdesisyon ang gobyerno kun palawigon pa ang Batas Militar.
Sa iya bahin, ginpahayag sang senador nga indi ini pabor nga palawigon ang Martial Law sa Mindanao.
Suno sa senador, iya ginpaboran sadto ang deklarasyon sang Martial Law bangud iya nakita nga solusyon ini sa nagalala nga sitwasyon sang terorismo sa Mindanao.
Ginpahayag ni Ejercito nga dapat lantawon sang gobyerno ang mangin epekto sa ekonomiya kag turismo sang pungsod kun ma-extend ang Martial Law.