Ginpahayag ni Senator JV Ejercito nga may yara sang “espesyal nga lugar sa impyerno” ang mga naga-engage sa ghost kag fraudulent flood control projects sa pungsod.
Ini nga pahayag nga ginpagguwa sang sang senador kasunod sang panawagan sini nga arestuhon ang mga dalagko nga personalidad nga may kaangtanan sa iregularidad sa mga proyekto para sa flood control sa pungsod.
Suno sa senador, may posibilidad nga may sabwatanay sa tunga sang mga opisyal sang gobyerno kag mga private contractors nga amo ang rason sa kapaltahan kag kurapsyon sa implementasyon sang mga proyekto.
Positibo man ang sabat ni Ejercito sang ginpamangkot siya kun dapat bala nga magpanaog sa pwesto si Department of Public Works and Highways (DPWH) Secretary Manuel Bonoan samtang nagapadayon ang imbestigasyon sa mga palpak nga flood control projects.
Sa pihak sini, una na nga ginpanginwala ni Senate President Francis “Chiz” Escudero ang anuman nga kaangtanan niya sa mga flood control projects sa Sorsogon kag iban pa nga lugar sa pungsod.
Apang ginbuyagyag niya nga isa sa mga nangin campaign contributor niya sang 2022 elections amo si Lawrence Lubiano, presidente sang Centerways Construction and Development Inc.
Ang Centerways Construction and Development Inc. ang isa sa mga contractors nga nakabaton sang kontrata nga naga-lab-ot P545 billion para sa flood control projects.
Nagapadayon karon ang imbestigasyon sa Senado bangud sa dako nga isyu sang anomaliya kag posible nga kurapsyon nga naka-apekto sa pondo kag kahimtangan sang publiko, ilabi na sa mga lugar nga masami ginaba
