Ginpamangkot ni Senador Erwin Tulfo kon ano ang nangin tikang sang Commission on Audit ukon COA kaangot sa audit sa confidential funds sang Office of the Vice President o OVP.
Sa pamangkot ni Tulfo sa prosecution witness nga si former COA auditor Roderick Wamil, ginpunto sini kun nga wala gilayon nagpasaka sang kaso ang COA bisan pa may mga findings ini sa paggamit sang OVP sang confidential funds.
Suno naman kay Wamil, ang ginahimo sang COA ang isa ka compliance audit nga nakabase sa mga ginpasa nga liquidation documents kag sa mga ginapatuman nga pagsulundan.
Dugang pa niya, mahimo lang magrekomendar ang COA sang referral sa Office of the Ombudsman kun may mando ang komisyon.
Sang gin-usisa naman tuhoy sa estado subong sang findings sang COA sa confidential funds sang OVP, ginsiling ni Wamil nga wala na siya sang personal nga ihibalo bangud indi na siya konektado sa COA-ICFAO.
