ILOILO CITY – Daku ang potensyal sang Iloilo agud nga mangin Meetings, Incentives, Conferences/Conventions and Exhibitions (MICE) destination sang Pilipinas.
Ini ang kasunod sang ginpatigayon nga MICE Marketing Plan sa Iloilo Convention Center sa diin nangin dinapit nga bisita ang Ilonggo nga si Sen. Franklin Drilon.
Sa interview sang Bombo Radyo kay Drilon, iya ginpahayag nga indi malayo nga ang Iloilo ang mangin MICE destination sa pungsod bangud sa pila ka mga rason.
Lakip sa mga ginhingadlan sang Ilonggo Senator amo nga ang mga Ilonggo ang kilala nga mga malulo maghambal, kilala man ang Iloilo sa mga tourist destinations kag may yara sang convention center sa syudad sang Iloilo.
Sa ginpatigayon nga MICE Marketing Plan suno kay Drilon, nagpahayag sang commitment ang mga delegado nga nagpakigbahin agud nga mas mapauswag ang ekonomiya sang syudad kag probinsya snag Iloilo.
