Nagapanawagan si Senate Committee on Finance Chairman Win Gatchalian sa Inter-Agency Council Against Trafficking (IACAT) nga hugton ang ila online information kag awareness campaign batok sa human trafficking, ilabi na sa mga kabataan nga Pilipino nga nangin biktima sang peke nga offer sang trabaho sa iban nga pungsod.
Sa hearing sang proposed national 2026 budget sang Department of Justice (DOJ), ginhingyo ni Gatchalian sa Inter-Agency Council Against Trafficking na ipahayag kun paano makabulig ang pagtaas sang ila pondo agud mapanubo ang numero sang mga kaso sang human trafficking sa Pilipinas.
Suno kay IACAT Executive Director Atty. Hannah Lizette Manalili, nagalaom sa ila talatapan ang nagkalain-lain nga ahensya kaangay sang National Bureau of Investigation (NBI) kag Bureau of Immigration agud mapabaskog ang ila operasyon batok sa human trafficking.
Ginpahayag ni Manalili nga ang cyber tip operations monitoring division sang IACAT ang nagapatigayon sang online surveillance indi lamang sa mga kaso sang sexual abuse ukon exploitation sang mga kabataan, kundi pati man sa mga peke nga job advertisements.
Nagalaom naman si Gatchalian nga sa bulig sa mga mas mataas nga pondo, mas mapabaskog pa sang IACAT ang paggamit sang mga digital platform.
