Nagpanawagan si Senator Bong Go sa Department of Health nga kinahanglan nga mas pasangkarun sini ang information campaign may kaangtanan sa rat infestation kag Leptospirosis.
Kasunod ini sang ginpatigayon nga deliberation sang Senate Committe on Finance sa proposed 2027 budget sang Department of Health subong nga Setyembre 4.
May kaangtanan ini sang madamo sa gihapon nga lugar sa Pilipinas ang apektado sang baha nga ginakabig dako nga risgo sa publiko para sa sakit nga leptospirosis.
Suno sa senador, sya mismo ang nakaeksperyensya sang halit nga gintuga sang daga sa iya apartment kag opisina matapos nga ginkitkit sang daga ang iya sapatos.
“Sa opisina ko may daga, paano na lang po ‘yung sa iba’t ibang parte ng bansa nakakalat po ‘yung daga? Ako mismo, naglalakad rin po ako sa baha, so paano ‘yung mga kababayan natin, ‘di ba?
Pahayag ni Go, importante nga mahatagan gilayon sang nagakaigo nga tikang ang nasambit nga isyu para sa mga Pilipino nga lubog sa baha kag wala nakahibalo sang mga lihok agud malikawan ang nasambit nga sakit.
