Nag-apelar si Senator Grace Poe nga indi man pagkalimtan ang mga public utility vehicle (PUV) drivers sa COVID-19 vaccination program sang national government.
Suno kay Poe, indi naman insakto nga maulihe pa ang mga drivers sa makabaton sang bakuna nga sadto wala man sila ginprioritize sa mga ayuda.
Kinahanglan nga mabakunahan ang mga drivers bangud kritikal man ang ila ginahimo.
Pahayag niya, ang mga drivers ang makabig nga essential sa transportasyon sang mga healthcare workers kag pagdeliver sang mga pagkaon kag goods agud mabuligan ang mga negosyo sa ila operasyon.
Nahibaluan nga ang mga grupo nga ginaprioritize subong sa vaccination program amo ang mga medical frontliners, senior citizens, persons with comorbidities, economic frontliners, kag mga indigents.
