Nagpanawagan si Sen. Risa Hontiveros sang mas hugot nga regulasyon sa mga nagapanag-iya sang armas matapos ang natabo nga pagpangluthang sa Ateneo de Zamboanga University.
Ginduso ni Hontiveros nga repasuhon ang Republic Act No. 10591, ukon Comprehensive Firearms and Ammunition Regulation Act, ilabi na ang mga probisyon nahanungod sa husto nga paghalong kag pagkontrol sa access sa mga armas kag bala.
Suno kay Hontiveros, importante nga siguraduhon sang mga tag-iya sang armas nga indi ini malab-ot sang mga kabataan ukon sang iban ang ila armas nga wala sang awtorisasyon.
Suno sa senadora, dapat gid i-konsiderar ang mas hugot nga gun control kag mas dako nga responsibilidad sang mga tag-iya sa ila mga armas agud mapunggan ang mga kabataan kag iban nga wala sang awtorisasyon nga makakuha sini.
