Ginpakigbahin ni Senate Deputy Majority Leader Risa Hontiveros nga nagpanawagan sya sa Department of Budget and Management (DBM) sang klaripikasyon kun ano nga mga tikang ang pagaubrahun sang ahensya agud nga maayo kag insakto nga mapanagtag sa mga drivers kag transport sector ang gin-alokar sang gobyerno nga P30-billion cash aid para sa ila.
Suno kay Hontiveros, dako gid ang epekto sang pagtaas sang gatong sa mga drivers, ilabi na nga ginsuspende pa ang P1 tubtob P2 fare hike sa Pampubliko nga mga salakyan.
Ginpahayag man sang senador nga indi na dapat paghulaton sang gobyerno nga maparalisa ukon mag-untat nalang ang mga drivers sa pungsod bangud sa padayun nga nagasaka nga presyo sang gatong.
Madumduman nga ipaagi sang gobyerno sa programa sang Department of Social Welfare and Development (DSWD) nga Assistance to Individuals in Crisis Situation (AICS) ang P5,000 nga fuel subsidy sa mga PUV drivers.
