Ginaduso ni Senator Imee Marcos ang Metro Pacific Iloilo Water (MPIW) nga mag-expand sang ila water system agud nga makalab-ot ang water supply sa tagsa ka household sa Iloilo City.
Sa interview sang Bombo Radyo kay Sen. Marcos, iya ginpahayag nga isa ka dako nga krisis sa tubig kon indi mahimo nga malab-ot ang mga konsumidor ilabi na nga padayon nga nagasaka ang populasyon.
Suno kay Marcos, masami sa mga private water company kaangay sang MPIW, ang interesado lamang sa ila mabaligyaan sang bulk water kag kon mahatag na, wala na sila gilayon sang insakto nga investment sa pagserbisyo.
Ginhatagan man sang importansya sang senadora ang pagpasangkad sang mga pipes ilabi na sa pagmintenar sang kalimpyo sini.
Nagapati naman si Marcos nga responsibilidad sang tagsa ka water supplier nga ubrahon ila katungdanan agud mahatagan sang maayo nga serbisyo sa tubig ang Iloilo City.
