Ginbuyagyag ni Senador Imee Marcos ang findings sang Senate Committee on Foreign Relations angut sa pagdakop kay anay Presidente Rodrigo Duterte.
Suno kay Marcos, ang pagdakop sa anay presidente may motibo sa pulitika kag group effort, butang nga madugay na nga ginaplano sang administrasyon.
Ginpahayag man ni Marcos nga ang dalagan sang mga hitabo ang nagapakita sang plano nga tikang sang administrasyon agud patalsikon ang mga Dutertes.
Ginpanindugan man sang Senador nga may coordinated attempt nga matabunan ang mga detalye kag motibo sa likod sang pagdakop kay anay Presidente Rodrigo Duterte.
Nagagwa suno sa iya nga may yara sang cover-up kag komprehensibo ang plano sa pagdakop kay Duterte.
Suno sa iya, ang isa pa ka indikasyon sang pagtabon sang administrasyon amo ang blanket invocation sang executive privilege ni Executive Secretary Lucas Bersamin agud punggan ang tanan nga executive officials sa pagtambong sa hearing sang iya komite.
