PAVIA, ILOILO – Ginpangunahan ni Senator Imee Marcos ang inauguration sa pagbukas sang Kadiwa store sa Barangay Aganan, Pavia, Iloilo.
Sa interview sang Bombo Radyo kay Sen. Marcos, iya ginpahayag nga ang Kadiwa store ang nagatanyag sang manubo nga presyo sang mga panguna nga balaklon.
Suno kay Marcos, ang Kadiwa Store system amo ang revival sang ginpatuman sadto ni anay Presidente Ferdinand Marcos.
Lakip sa mga mahimo mabakal sang publiko sa Kadiwa store system sa manubo nga presyo amo ang bugas, kalamay, kape, noodles, mantika, canned goods kag mga habon.
