Ginrekomenda ni Senator Imee Marcos sa Inter-Agency Task Force on Emerging Infectious Diseases (IATF) nga ikonsidera ang liwat nga pagbukas sang face-to-face classes sa pila ka mga probinsya sa pihak sang COVID-19 pandemic.

Students at the Araullo High School don face masks as the Manila City local government led by Mayor Isko Moreno provided 500,000 face masks to public school students for protection against the Novel Coronavirus on January 31, 2020. Photo by Ben Nabong/Rappler

Suno kay Marcos, mahimo nga 10 tubtob 15 lang nga estudyante ang akomodaron ukon mahimo man nga buksan ang stadium ukon auditorium kag indi man kinahanglan nga bilog nga adlaw ukon adlaw-adlaw ang klase.

Dapat man nga hatagan ang mga local government units kag school boards sang kahigayunan nga magdesisyon kun pahanugutan na ang face-to-face classes bangud may mga probinsya naman nga may manubo nga kaso sang COVID-19.

Dugang pa sang senadora, madamo na ang nadulaan sang trabaho ilabi ang mga ginikanan nga may tatlo ukon apat ka mga kabataan kag ang iban sa mga estudyante ang tuman nga nabudlayan sa sitwasyon sang pagtuon subong.

RELATED ARTICLESMORE FROM AUTHOR