ILOILO CITY-Nagpromisa si Senator Jinggoy Estrada sang iya suporta kay Mayor Jerry Treñas para sa 2025 election.
Sa interview sang Bombo Radyo kay Senator Estrada, iya ginpahayag nga maayo gid ang ila relasyon sang alkalde.
Suno sa iya, wala man sang “bad blood” nga nagpatunga sa ila humalin sang una apisar nga lain ang ila partido.
Sang ginpamangkot naman sa iya suporta kay Ms. Raisa Treñas-Chu nga anak sang alkalde, iya ginpahayag nga posible niya ini suportahan.
Sa bahin naman sang alkalde, iya ginpahayag nga dako ang pagpasalamat sa pagpasalig ni Estrada sang bulig sa pulitika para sa alkalde kag mangin sa anak nga si Raisa Treñas Chu sa nagahilapit nga eleksyon.
