ILOILO CITY – Nag-file sang resolution si Senate Majority Leader Joel Villanueva nga nagapangayo sang imbestigasyon sa pagsaka sang indi otorisado kag indi rehistrado nga pautang online sa Pilipinas nga naga-target sang “vulnerable” Filipinos.
Ginpahayag ni Villanueva nga nagasaka ang abusado nga pagpanukot sang pila ka mga lending companies.
Suno sa iya, nakabaton ang iya opisina sang ginatos ka reklamo nagikan sa mga tawo nga gin-harass, kag ginpakahuy-an sang mga collecting agents sang mga online lending platforms bangud sa kapaslawan nga magbayad sang utang sa.
Dugang pa niya, kinahanglan na nga mauntat ang indi insakto nga pagpanukot kag masiguro nga protektado ang mga Pilipino.
Subong nga bulan, isa ka online lending app ang ginapahayag nagpadala sang bulak kag lungon sa mga manug-utang nga wala nakabayad sang ila nga loans.
