Nag-file sang hagna sanday Senador Loren Legarda kag Sen. Raffy Tulfo agud lubos nga i-ban ang online gambling sa pungsod.
Ang nasambit nga hagna ang kasunod sang nagadamo nga panawagan bangud sa negatibo sini nga epekto sa komunidad.
Ginpahayag ni Sen.Legarda nga ang iya gin-file ang nagasakop sang tanan nga sahi sang online gambling kaangay sang online casino, e-sabong, digital lotteries, virtual slots kag sports betting.
Natigayon sini nga ma-file ang hagna bangud madali na ini nga ma-access sang bisan sin-o sa diin madamo na ang nangin adik sa sugal kag nagaguba sang ila kabuhi.
Ang mga kumpaniya nga maglapas sini ang magapangatubang sang multa nga nagalab-ot sa P500,000 tubtub isa ka milyon ka pesos.
Ginpahayag ni Sen.Tulfo nga dapat dumilian ang tanan nga sahi sang online gambling.
Ini man ang ikatlo nga prayoridad nga hagna nga gin-file ni Tulfo para sa ika-20 nga Kongreso, ang una amo ang libre nga medical assistance for seniors, anti-aid abuse, barangay CCTV surveillance act kag istrikto nga guidelines sa delayed birth certificates.
By: Bombo Ray Gerald Badiang
