Hindi nagakadapat nga pagahatagan sang eksempsyon si Presidente Rodrigo Duterte sa “Bawal Bastos” law nga iya gin man nga ginpatuman, ini ang suno kay Senator Leila De Lima.
Suno sa senador ginalaum nya nga mangin strikto kag insakto ang pagpatuman sang bag-o nga layi kag hindi pagahatagan sang eksempsyon ang mga public officials espesyalemente si Presidente Duterte nga kilala sa iya mga sexist jokes kag misogynist remarks.
Dugang sang ni De Lima nagakadapat lang nga ang presidente mismo ang una nga magsunod sa layi nga iya mismo gin pirmahan kag ginpatuman.
Nahibaluan nga ang Republic Act No. 11313 ukon ang Safe Streets and Public Spaces Act ang maga penalize sa naga himo sang mga akto kaangay sang wolf-whistling,cat-calling kag iban pa nga akto sang harassment sa pampubliko nga lugar bangud sa sekso,gender kag sexual orientation.
Ang madakpan nga naglapak sang nasambit nga layi ang magapangatubang 12-hour community service 11 tubtob 30 ka adlaw nga pagkapreso sa ika tatlo nga offense.
Nagpasalig naman ang Malacañang sa publiko nga pagasundon ni Presidente Duterte ang “Bawal Bastos” law.
