Nakuhaan sang video si Senator Manny Pacquiao nga ginapakamalaot ang nagalala nga kurapsyon sa gobyerno sa idalom sang Duterte administration.
Sa video ginpahayag sang senador nga mas nagdoble pa ang kurapsyon subong ipaanggid sa administrasyon sadto ni anay Presidente Benigno “Noynoy” Aquino III.
Suno kay Pacquiao, wala siya nakahibalo kun bala may ideya si Pres. Rodrigo Duterte sa ginahimo sang iya mga tawo sa gobyerno ukon wala.
Kinahanglan ini nga mahitso pahayag niya bangud madamo sang kurap sa mga ahensya sang gobyerno.
Matandaan nga ginhangkat ni Pres. Duterte si Pacquiao nga pangalanan ang mga kurap nga opisyal ukon ahensya sang gobyerno.
Kun mapaslawan ang senador, paandam ni Duterte, mismo ang presidente ang mangampanya batuk kay Pacquiao nga indi ini pagbotohon sa masunod nga eleksyon.
Apang wala naman sang pagpangduha-duha, ginbaton ni Pacquiao ang pagpanghangkat sang Presidente kag gin-identify ang una nga ahensya sang gobyerno nga posible may kurapsyon — ang Department of Health (DOH).
