Gin-isa-isa ni senator Robin Padilla ang rason kun ngaa bukas ini nga magpadalagan sa pagka-bise presidente sa masunod nga eleksyon.
Ang pinakadako sini nga rason amo nga kun itulod ini ni former President Rodrigo Roa Duterte.
Suno sa iya indi gid sini pagpamalibadan ang anay presidente.
Suno kay Padilla, si Duterte lamang ang maka-engganyo sa iya nga sudlan ang posisyon sang pagka bise-presidente kaangay sang ginpangabay man ini sang una nga magsulod sa politika kag magpadalagan bilang senador.
Sang ginpamangkot ini kun handa ini sa mas mataas nga posisyon, suno kay Padilla, ginhanda man siya nga handa sa tanan.
Suno pa sa Senador, indi man amo gid kabudlay ang obra sang vice president bangud nakatutok lang sa advocacy work ang gina-obra sini.
Dugang pa niya, daw kaangay nga ”spare tire” lang ini kag masarangan gid sini ang nasambit nga posisyon.
Ginpahayag pa ni Padilla nga apisar may ara sang ”hierarchy” ukon pila nga mas nauna sa iya nga mga politiko sa kampo ni Duterte
kaangay ni Imee Marcos, Alan Peter Cayetano, Bong Go, Ronald dela Rosa, suno sa iya, batunon sini ang bisan ano nga kritisismo kun magpadayon ini sa pagdalagan.
Ginklaro man sini nga 100% ini nga magasuporta sa kampanya sang Duterte sa 2028.
