Hugot nga ginkondenar ni Senador Robinhood Padilla ang padayon nga mass killings sa Gaza kag nagpanawagan sa gobyerno sang Israel nga respetuhon kag protektahan ang mga humanitarian personnel, amo man ang pagpasulod sang bulig para sa mga sibilyan nga Palestino.
Sa iya nga privilege speech sa plenaryo sang Senado, ginpahayag ni Padilla nga dapat ipalab-ot sa Israel paagi sa diplomasiya ang katuyuan sang Pilipinas nga maghimo sang humanitarian mission para sa mga biktima sang krisis sa Gaza.
Kaangot sini, nag-file si Padilla sang resolusyon nga nagapanawagan sa Israel nga sundon ang mga obligasyon sini sa idalom sang international humanitarian law.
Hugot man nga ginkondenar sang senador ang indi makatawo nga pagtratar sa mga sibilyan sa Gaza.
