Sen. Pangilinan ginbuweltahan si Pacquiao: 'Pasikat lang'

ILOILO CITY – Ginlaslasan ni Liberal Party (LP) president Sen. Francis “Kiko” Pangilinan si Sen. Manny Pacquiao nga amo ang nagduso nga kuhaan sila sang committee chairmanship sa Senado.
Sa interview sang Bombo Radyo Iloilo, ginpahayag ni Pangilinan nga bangud bag-uhanon si Paquiao bilang senador, sa iya ginapasa sang majority sa Senado ang nasambit nga mga tikang.
Nagapati man ini nga nagapasikat si Pacquiao bangud bag-uhanon nga senador.
Apang ginarespeto sa gihapon ni Pangilinan ang ginhimo nga tikang ni Pacquaio kun ini ang ginalantaw sang Filipino ring icon nga makapaayo sa Senado.
Nahibaluan nga si Sen. Pacquiao ang nagduso sang mosyon nga kakason sa ila ginakaptan nga mga komite sa Senado kanday Pangilinan, Sen. Bam Aquino, Risa Hontiveros kag Franklin Drilon bilang Senate President Pro Tempore.