Ginkwestyon ni Senator-judge Kiko Pangilinan si AMLC Executive Director Ronel Buenaventura kun mahimo nga ifreeze ang accounts kag file money laundering cases kun ang record sini ang yara sa idalom sang “absolute confidentiality.”
Suno kay Buenaventura, indi mahimo sang AMLC nga magpasaka sang kaso kun wala sang supporting documents, kag mahimo pa nga madismiss ang kaso kun wala sang mapresentar nga ebidensya.
Apang suno man sa iya, mahimo nga madisclose ang AMLC Records sa tion nga pahanugutan sang layi, rules, ukon guidelines.
Pahayag ni Pangilinan, kun indi man magamit ang mga data sang ahensya sa korte, indi sini ma-freeze ang accounts, makapasaka sang kaso, kag makahatag sang dokumento para magsuporta sang budget requests.
Dugang pa sang senador, mas maayo nga indi na lang paghatagan sang budget ang AMLC kag nagsegunda man sa komento ni Sen. Tito Sotto nga magsirado nalang ang ahensya.
