Nagwangal kag nagkulumuron si Senator-judge Raffy Tulfo matapos naobserbahan sini nga indi patas ang ginahatag nga oras sa iban nga senador nga maghambal sa mikropono para magpamangkot kag maghimo sang manifestation.
Suno kay Tulfo, nanotaran niya nga kun myembro gani sang mayorya ang maghambal sa mikropono, indi istrikto ang paghatag sang time limit nga duwa lang ka minutos apang kun sa halin sa mayorya ang senador, makapila gid ka beses nga ginabagtingan.
Nagsiling naman si Presiding Officer Chiz Escudero nga wala sang mayorya kag minorya sa Senate impeachment court.
Gin-ako naman ni Tulfo nga nairita siya sa tunog sang bell nga naga-remind sa iya sa nabilin nga oras sa iya pagpamangkot.
Dugang niya, dapat ini man ang himuon sa iban pa nga senador.
