ILOILO CITY – Nag-file sang resolution si Senate Deputy Minority Leader Risa Hontiveros nga naga-request sang inquiry may kaangtanan sa ginaduso nga pag-merge sang Development Bank of the Philippines kag Land Bank of the Philippines.
Sa proposed Senate Resolution 570, gin-raise ni Hontiveros ang mga concerns may kaangtanan sa posible risgo kag benepisyo nga mahimo madulot sini sa ekonomiya, stability sang financial system, kag nagkalain-lain nga stakeholders, lakip na ang mga empleyado sang duha ka mga bangko.
Gin-cite niya ang pagtuon sang International Monetary Fund sang 2014 kun sa diin, nakita nga ang mga dalagko nga bangko sa tunga-tunga sang 2007-2008 nga Global Financial Crisis kag ang ila distress ang na gintuna-an sang pagkaguba sa real economy.
Ginpahayag man ni Hontiveros ang deperensya sa mandates sang duha ka mga bangko.
Sa subong suno sa senadora, ang mga isyu nga nagapalibot sa Land Bank of the Philippines kag sang United Coconut Planters’ Bank merger ang wala sa gihapon na-resolve kag ang mga coconut farmers ang nagpahayag nga ang ini nga impending merger ang magapabudlay pa sa mga benepisyaryo nga mag-access sang suporta nagikan sa pondo kag sa dalayon, mapanas na ang mandate sang Land Bank of the Philippines nga mag-assit sa Coco Levy beneficiaries.
