Ginkahuya kag ginkaakig ni Sen. Risa Hontiveros ang natabo nga kinagamo sa Senado sang nagligad nga Mayo 13 matapos gin-islan ang liderato ni Former Senate President Vicente Tito Sotto III kay Senate President Alan Peter Cayetano.
Ini ang iya nangin pahayag kadungan sang iya pagbisita sa probinsya sang Guimaras para ipakita ang suporta sa lokal nga turismo sang amo nga probinsya kag sa pagselebrar man sang Manggahan Festival.
Suno sa Senadora amo pa lang ato ang ang una nga bes nga natabo ang kaangay nga insidente nga indi dapat matabo.
Pahayag niya, sa bilog nga kasaysayan sang Pilipinas, amo pa alang ato ang hitabo nga kaangay nagdala sang kakugmat kag kahuy-anan sa sulod sang Senado kun sa diin nadula na ang respeto sang mga Pilipino sa mga nagapamuno sa Senado.
Sa subong, may ara na sila sang corrective actions para ibalik ang reputasyon kag pagtulok sang mga Pilipino sa Senado tungod katungdanan nila ini bilang mga opisyales sang gobyerno.
Ginpahayag man niya nga tanan nga myembro sang Solid Bloc 11, magabuligay para matalampuwasan ang tanan nga pagpanghangkat sa Senado.
