Ginkumpirmar ni Senate Minority Leader Tito Sotto III nga siya ang magatal-os kay Senador Chiz Escudero bilang Senate President.
Suno kay Sotto, si Senador Ping Lacson ang ipahamtang nga bag-o nga Senate President Pro Tempore, samtang si Senador Juan Miguel Zubiri naman ang magaserbe bilang Majority Leader sang Senado.
Nahibaluan nga si Sotto anay man nga nagsirbe bilang Senate President sang nagligad nga termino. Ginpahayag man sang beterano nga senador nga may 15 ka mga senador nga nagpirma bilang suporta sa iya pagbalik sa liderato sang Senado.
Dugang pa ni Sotto, nakaistorya na niya si Escudero parte sa maathag kag malinong nga pagbalhin sang liderato.
