Luyag ni Senator Vicente Sotto III nga ibalik sang Senado ang random drug testing sa tanan nga mga Senate Employee.
Kasunod ini sa paggamit sang isa sa mga staff sang senador nga naggamit sang marijuana sa Senado.
Dugang pa sini nga sang tion niya bilang Senate President, nagpatigayon ang Senate Office of the Sergeant at Arms (OSAA) sang optional nga drug test sa mga senador kag random test naman para sa mga empleyado.
Ginakasubo niya bangud sang natapos na ang iya termino kag indi na niya ni mahimo.
Suno sa iya, isa sa makahuluya ang nasambit nga hitabo bangud sa nagguba ang imahe sang Senado.
Nahibaluan nga ginsugid sa OSAA ni Victor Patelo ang security personnel nga naka-assign sa ikalima nga panalgan sang Senate building ang lain nga sahi sang baho halin sa mga CR sang babayi.
Ulihi nga nasiplatan nga ulihi nga naggamit sa Comfort Room amo ang actress nga si Nadia Montenegro nga staff subong ni Senator Robin Padilla.
Bangud sa insidente, ginpa-leave of absence anay ang actress.
