Nag-file si Acting Chairperson sang Senate Blue Ribbon Committee, Sen. Erwin Tulfo, sang Senate Bill No. 1409 nga nagatuyo nga kakson ang travel tax sang mga Pilipino nga naga-byahe saguwa sang pungsod.
Suno kay Tulfo, ang pagpatuman sang travel tax makapamalabag sa kinamatarong sang mga Pilipino nga magbiyahe kag indi angay nga mangin dugang nga pabug-at sa ila bulsa.
Tuyo sang amo nga hagna nga mangin mas accessible ang pagbyahe para sa mga Pilipino, kasunod sang ASEAN Tourism Agreement nga ginpirmahan sang Pilipinas sang 2002.
Sa subong, ang koleksyon halin sa travel tax amo ang nagapondo sa nagkalain-lain nga ahensya kaangay sang, Tourism Infrastructure and Enterprise Zone Authority nga may 50%, 40% naman sa Commission on Higher Education (CHED), kag 10% sa National Commission for Culture and the Arts (NCCA).
Base sa subong nga travel tax rates, nagalab-ot ini sa, P1,620 tubtob P2,700 ang economy, P810 tubtob P1,350 naman para sa standard reduced, at P300 tubtob P400 para sa mga dependents sang overseas Filipino workers (OFWs).
