𝗠𝗔𝗡𝗜𝗟𝗔 — Ginkwestyon ni Sen. Cynthia Villar ang plano sang Department of Human Settlements and Urban Development (DHSUD) nga magpatukod sang medium-rise condominium units.
Nahibaluan nga ang pamilya ni Villar ang kilala sa pagpamakal sang duta agud i-develop bilang subdivision.
Gin-usisa ni Villar si Sen. Risa Hontiveros nga amo ang nagahambal on behalf sa DHSUD bilang budget sponsor sang ahensya.
Suno kay Hontiveros, ang medium to high-rise nga mga condominium units nga bayaran sang P2,600 kada bulan ay posible pa nga mapanubuan sa P1,500 kada bulan sa idalom sang amortization subsidy sa bulig sang local government units (LGUs).
Diri kag ginpanindugan ni Villar nga para lang sa mga middle class ang nasambit nga housing project bangud indi masarangan sang mga pigado ang P2,600 ukon P1,500 kada bulan bangud ang ila kita kada adlaw ang P500 lang.
“𝙒𝙝𝙮 𝙖𝙧𝙚 𝙮𝙤𝙪 𝙥𝙧𝙞𝙤𝙧𝙞𝙩𝙞𝙯𝙞𝙣𝙜 𝙩𝙝𝙚 3.2 𝙢𝙞𝙡𝙡𝙞𝙤𝙣 𝙝𝙤𝙪𝙨𝙞𝙣𝙜 [𝙪𝙣𝙞𝙩𝙨] 𝙛𝙤𝙧 𝙩𝙝𝙚 𝙢𝙞𝙙𝙙𝙡𝙚 𝙘𝙡𝙖𝙨𝙨 𝙬𝙝𝙚𝙣 𝙮𝙤𝙪𝙧 𝙢𝙖𝙣𝙙𝙖𝙩𝙚 𝙞𝙨 𝙩𝙤 𝙝𝙚𝙡𝙥 𝙩𝙝𝙚 𝙥𝙤𝙤𝙧 𝙖𝙣𝙙 𝙩𝙝𝙚 𝙝𝙤𝙢𝙚𝙡𝙚𝙨𝙨?” pag-usisa ni Villar kadungan sang Senate deliberation sa proposed budget sang DHSUD para sa 2025.
Gindugang man sini nga sa ila lugar sa Las Piñas City, ang ginaduso nga condominiums sang DHSUD ang indi para sa mga pigado.
