Luyag ni Majority Leader Sen. Miguel Zubiri nga isa ka finance expert ang magadumala sa Philippine Health Insurance Corp. (PhilHealth) kasunod sang mga alegasyon sang korapsyon nga nagakatabo sa ahensya.
Gin-rekomenda sang senador nga mangin pinuno sang PhilHealth amo si Socioeconomic Planning Secretary Karl Kendrick Chua.
Suno kay Zubiri, wala siya sang nahibaluan nga reklamo sa trabaho ni Chua kag gindayaw man sini ang work ethics nga may yara ang finance expert.
Nangin acting secretary sang National Economic and Development Authority (NEDA) si Chua sang Abril matapos mag-resign ang anay secretary sang ahensya nga si Ernesto Pernia.
Nahibaluan nga ang Presidente kag CEO sang PhilHealth nga si Ricardo Morales ang natalana nga mag medical leave sa masunod nga semana bangud sa sakit nga lymphoma.
