Ginpabutyag ni Senate Minority Leader Juan Miguel ”Migz” Zubiri ang iya suporta sa dugang nga pondo para sa Department of Agrarian Reform (DAR) para sa national budget sini nga 2026.
Gindayaw ang ahensya sa madinalag-on sini pagpakigbahin sang duta kag suporta sa mga mangunguma.
Sa hearing sang Senado tuhoy sa proposed budget sang DAR, ginpahayag ni Zubiri nga nagakadapat ang departamento para sa salig sang mga mangunguma bangud sa consistent sini nga mga ginahimo nga serbisyo.
Humalin sang Hulyo 2022 tubtob Agusto 2025, nakapanagtag ang DAR sang masobra 242,000 ka mga titulo sang lupa kadungan sang pag-isyu sang masobra 401,000 nga dept condonation certificates nga nagpa-free sang 322,000 ka mga mangunguma humalin sa P41 billion nga utang sa duta.
Magluwas diri, napatindog man ang 213 ka irrigation system halin sa 344 farm-to-market roads nga suno sa survey sang Commission on Audit (COA) sang 2024 nga nakabulig sa pagtaas sang kita sang 93.65% sang mga mangunguma sa Bukidnon.
Kaangot diri, una na nga ginhingyo sang DAR ang P28 billion nga pondo sa 2026, apang na-aprubahan lamang sang Department of Budget and Management (DBM) ang P17 billion nga possible makaapekto sa mga programa sang ahensya kaangay sang parcelization sang collective land titles.
