Indi na kinahanglan magpatawag sang special session si President Ferdinand Marcos, Jr. ukon mandu halin sa Korte Suprema agud masugodan sang Senado ang impeachment trial ni Vice President Sara Duterte.
Ginpunto ni House Assistant Majority Leader kag Tingog Party-list Rep. Jude A. Acidre nga nakasaad sa Konstitusyon ang mandu nga gilayon aktohan ang impeachment case nga ginpadala sang Kamara.
Suno kay Acidre, mahimo nga mag-convene ang Senado bisan pa wala sang special session kon paga-aprubahan ang deklarasyon sang martial law, santo sa nakasaad sa Konstitusyon.
Pamatuod man ini suno sa iya nga may yara sang mandato ang Kongreso nga wala nasakop sang legislative calendar kag makahulag gilayon sa mga non-legislative matters kaangay sang impeachment.
Ini ang ginsegundahan ni House Assistant Majority Leader kag Ako Bicol Party-list Rep. Jil D. Bongalon kag ginhatagan punto nga ang lenguahe sang 1987 Constitution maathag nga ang impeachment trial dapat sugodan.
Ginpanindugan ni Bongalon nga ang probisyon sang Konstitusyon ang indi bukas sa interpretasyon ukon pagpaatrasar sini.
Ginklaro sini nga mahimo mag-convene ang Senado bilang impeachment court bisan pa nga yara sa recess ang Kongreso kon magpasugot ang mga katapo sini.
Nangin mabugnaw man si Bongalon sa ideya nga maghulat pa sang tatlo tubtob apat ka bulan antes magsugod ang pagbista.
Nahibaluan nga ang impeachment kay Vice President Duterte ang nagtuga sang debate sa papel sang Senado kag kinahanglan sang special session.
