Nag-adjourn ang session sang Senado antes alas syete kagab-i nga wala gin-istoryahan ang articles of impeachment batok kay Vice President Sara Duterte.
Kun balikan ang nagkalatabo kahapon, isa ka oras matapos nagpirma ang 215 ka mga kongresista sa Kamara sa pag-endorso sang impeachment complaint, pormal nga gin-turn over kay Senate Secretary Renato Bantug ang Articles of Impeachment.
Nag-abot si House Secretary General Reginald Velasco sa Senado dies minutos antes ang alas dies sa gab-i para mahatag ang beripikado nga complaint para sa impeachment. Dala man didto ang lista sang prosecutors sa impeachment trial nga aprubado man sang plenaryo.
Antes nagkadto sa Senado, nagtawag man si Velasco kay Bantug kaangot sa iya ipasa.
Base sa verified complaint, gin-move sang complainants nga i-impeach si Duterte base sa grounds sang Culpable Violation of the Constitution, Betrayal of Public Trust, Graft and Corruption, and Other High Crimes.
Bangud lapaw ang 215 sa one third sang House membership nga 306 ka mga kongresista, yara na sa Senado ang bola sandig sa kun ano ang nakasaad sa 1987 Constitution.
Kahapon amo man ang katapusan nga adlaw sang session para sa Kamara kag Senado antes ang pahuway para sa national and local elections.
Maga-resume sila sang session sa masunod pa nga Hunyo 2.
Sa interview sang Bombo Radyo kay Iloilo 3rd district Rep. Lorenz Defensor nga napilian man sang Kamara bilang isa sa 11 nga prosecutors sa impeachment trial, ginpahayag sini nga mahimo gid aktuhan sang Senado ang impeachment bisan adjourned na ang Kongreso bilang isa ka lehislatura.
Indi isa ka legislative work ang impeachment suno kay Defensor gani ginabantayan nila ang desisyon sang liderato sang Senado kun mag-convene ini bilang impeachment court antes ang pag-resume sang session sa Hunyo.
Suno naman kay Senate Minority Leader Aquilino Pimentel III nga former Senate President, sa normal course of business, diskusyunan ang reklmao sa idalom sang rules sa Hunyo kun mag-resume na ang session.
“Sa normal course of events, mukhang sa June pa. Kasi very extraordinary ‘yung sinasabi ko,” suno sa senador. “Huwag tayong mapako sa legislative calendar. Kasi pagka impeachment court na kami, meron kaming trial calendar. Iba yun. Pero unfortunately, meron kaming end of term ng June 30, 2025 wala tayong magagawa doon. Constitutional ‘yun eh.##
