Gin-adopt na sang Senado ang resolusyon agud mahatagan sang pasidungog si 8th Division boxing champion Manny Pacquiao matapos ini magdaog batok sa American boxer nga si Keith Thurman.
Ang nasambit nga resolusyon ang ginpasa sang lima ka mga senador nga sanday Majority Leader Juan Miguel Zubiri, Christopher “Bong” Go, Ramon “Bong” Revilla Jr., Nancy Binay kag Richard Gordon.
Suno kay Zubiri nagakadapat lang nga pasidunggan ang 8th Division boxing champ bangud sa nangin kontribusyon sini sa Philippine sports.
Matandaan nga nangin madinalag-on si 8th Division boxing champ Manny Pacquiao sa iya nga away batok sa American Boxer nga si Keith Thurman sang Hulyo 21 nga ginhiwat sa MGM Grand Las Vegas, Nevada.
