Nakatalana nga dagdagan sang mga subpoena sa masunod nga semana sanday Senador Jinggoy Estrada kag anay Senador Bong Revilla may kaangtanan sa mga kaso nga plunder batok sa ila bangud sa ginapahayag kickback gikan sa mga flood control project.
Ini nga tikang ang kabahin sang pagsugod sang imbestigasyon sang Department of Justice agud mahibaluan kun may yara sing nagakaigo nga ebidensya agud nga mapasaka ang kaso sa korte, matapos nga ini ang nag-agi na sa fact-finding sang National Bureau of Investigation kag ginrepaso sang Office of the Ombudsman.
Suno sa DOJ, ang ginaalegar nga ilegal nga pagtipon sang manggad sang duha ka akusado ang naglab-ot sa maosbra ₱50 Million kag indi lamang ini natabo sa probinsya sang Bulacan kundi pati sa nagkalain-lain nga rehiyon sa bilog nga pungsod.
May yara man sang mga anay opisyal sang Department of Public Works and Highways (DPWH) nga nagpahayag nga may ginpanagtag nga daku nga kantidad sang kwarta nga naghalin sa mga proyekto sa flood control, nga ginaalegar ginpadala sa balay ni Revilla.
Sa pihak sini, hugot nga ginpanginwala ni Revilla ang tanan nga alegasyon, samtang gintawag naman ni Senador Estrada nga baseless ukon wala sing basehan ang mga akusasyon batok sa iya.
