Ginkumpirma ni Antique Congressman Antonio Agapito “AA” Legarda Jr. nga luyag na sang iya utod nga si Senador Loren Legarda nga makabalik sa Pilipinas, apang may mga medical tests pa ini nga kinahanglan tapuson.
Suno kay Cong. Legarda, sa tion nga makumpleto na sang senadora ang mga kinahanglanon nga medical tests, ginalauman nga makabalik na ini sa pungsod agud makaserbisyo liwat sa mga Pilipino.
Ginpahayag ini sang kongresista sa launching ceremony sang Project I-CARE sa Antique Police Provincial Office kahapon nga adlaw, Oktubre 21.
Sa matandaan nga naghingyo sang extension sa iya medical leave ang kampo ni Sen. Legarda, nga yara sa guwa sang pungsod halin pa sang Agosto 3.
Nagapanawagan naman si Cong. Legarda sa publiko nga padayon nga suportahan ang senadora paagi sa pagpangamuyo samtang nagapadayon ang iya medical evaluation.
Nahibaluan nga nagapangatubang naman ang bata sini nga si Batangas Representative Leandro Leviste sa mga alegasyon sang iregularidad sa solar energy resources nga ginalakipan sang plunder case.
