Napagwa sang pahayag si Senate President Franciz ‘Chiz’ Escudero matapos nagsabtanay sanday Vice President Sara Duterte kag Senator Risa Hontiveros kadungan sang ginpatigayon nga budget hearing sang senado sa Office of the Vice President (OVP).
Suno kay Escudero, may yara sang valid nga pamangkot si Hontiveros bangud pondo sang gobyerno ang gina-istoryahan.
Ginpanugyanan man sini ang mga nagapamuno sa nagkalain-lain nga mga ahensya nga mangin pasensyoso sa pagsabat sa mga pamangkot sang myembro sang komitiba.
Gindayaw man ni Escudero si Sen. Grace Poe nga amo ang chairperson sang Committee on Finance bangud sa pagpatunga sini sa away nanday Duterte kag Hontiveros.
Matandaan nga nag-ugat ang pagpangakig ni Duterte sang nag-usisa si Hontiveros sa libro nga ginapanagtag ni Duterte nga siya mismo ang author sa diin nagakinahanglan ini sang budget nga P10 million.
Diri kag nagsabat ang bise presidente nga kaangot sa pag-abyanay ang nasambit nga libro.
Sa ulihi, nag-ibwal ang bise presidente kag gintawag nga ginapolitika ang national budget.
