Ginklaro ni Senate President Francis “Chiz” Escudero nga posible gihapon makapanumpa si anay President Rodrigo Duterte bilang Mayor-elect sang Davao City bisan pa nga ini yara sa kustodiya sang International Criminal Court (ICC) sa The Hague, Netherlands.
Ginpahayag ni Escudero nga pinaagi sa consular office sang Pilipinas sa The Hague, mahimo gihapon nga magsumpa sa katungdanan si Duterte bilang alkalde sang Davao.
Samtang indi pa makapauli ang anay Presidente, suno sa Local Government Code, ang temporaryo nga magapungko bilang alkalde amo si Vice Mayor-elect Baste Duterte, nga anak mismo ni Rodrigo Duterte.
Gindugang ni Escudero nga wala sang gahum ang ICC nga mag-disqualify kay Duterte sa pag-uyat sang ano man nga posisyon sa gobyerno, bisan pa mapamatud-an nga may sala ini.
