Ginaduso sa karon ni Senate President Vicente Sotto III ang dalayon nga pagbasura sa Oil Deregulation Law agud mabalik sa gobyerno ang gahom sa pagtalana kag pag-kontrol sa presyo sang mga produktong petrolyo sa pungsod.
Ini bangud sa padayon nga ginapangatubang nga problema sang Pilipinas sa gatong bangud man sa epekto sang tenyson sa Middle East.
Paagi sa gin-file sini nga Senate Bill No. 1984, tuyo ni Sotto nga pauntaton ang mga kompanya sang mga produktong petrolyo nga sila mismo ang nagapresyo sang gatong.
Suno sa mamalidha nga tyempo na agud magpasilabot ang Senado bangud direkta na ang epekto sang Krisis sagwa sang pungsod ilabi na sa bulsa sang mga ordinary nga mga Pilipino.
Sa idalom sang Republic Act 8479, nga kilala man bilang Downstream Oil Industry Deregulation Act of 1998, ginkua sang gobyerno ang control sini agud mangin competitive ang merkado pag-abot sa suplay kag presyo sang petrolyo.
Apang, nagpaandam si sotto nga bag-o mapasar ang nasambit nga layi, ang Energy Regulatory Board ang nagadesyon sang presyo sang petrolto base sa global oil cost kag exchange rates.
Magluwas diri, ang Oil price Stablization Fund ang nagasalo sa pabag-obag -o nga presyo sa global merake agud mabuhinan ang gilayon nga pagtaas sang pump prices
Suno kay Sotto, sang 2022 pa siya nag-file sang hagna agud repasuhon ang Downstream Oil Industry Deregulation Act of 1998 nga nagkakas sang gahum sang gobyerno nga kontrolon ang presyo sang petrolyo sa pungsod.
