Ginmanduan ni Senate President Vicente Sotto III ang Senate Committee on Rules nga tun-an ang posibilidad sa pagdeklarar sa pila ka Chinese Embassy officials bilang persona non grata.
Ini kasunod sang pagpang-insulto sang amo nga mga opisyal sang China batok sa mga opisyal sa Pilipinas.
Pananglitan matabo ini, ginalantaw magalala ang tension sa tunga sang Manila kag Beijing bangud ini nga deklarasyon amo ang isa sa pinakaseryoso nga tikang nga mahimo obrahon sang host country batok sa foreign diplomats.
Ang direktiba ni Sotto ang ginpaguwa kadungan sang plenary session samtang nga gina-istoryahan ang resolusyon nga nagakondena sang embahada sang China bangud sa ila mga pahayag nga naga-atake sa Philippine officials kag mga institusyon.
Partikular nga namunuhan amo ang social media post ni Guo Wei, ang Deputy Spokesperson sang Chinese Embassy.
Gin-insulto ni Guo ang mga senador nga nagpirma sang resolusyon nga nagapabakod sang kinamatarong sang Pilipinas nga depensahan ang national sini nga interes sa West Philippine Sea.
Sandig kay Senate President Pro Tempore Panfilo Lacson, ang president lamang ang may gahum nga magpalayas sa isa ka diplomat, apang mahimo naman makapaguwa ang Senado sang formal recommendation nga may yara sang daku nga bug-at.
Kasunod sang direktiba ni Sotto, tun-an na sang Committee on Rules ang legal kag diplomatic implications sang amo nga tikang antes dalayon nga makahulag ang Senado.
