Ginkwestyon ni Senator Bong Go ang anunsyo sang Department of Social Welfare and Development (DSWD) nga temporaryo sini nga suspendihon ang pag-issue sang Guarantee Letters (GLs) sa idalom sang Assistance to Individuals in Crisis Situation (AICS), kon sa diin ginatawag sang senador ang polisiya nga “illogical”.
Ginpahayag ni DSWD Assistant Secretary and Spokesperson Irene Dumlao sang nagligad nga semana nga maga-epekto ang suspension sa Disyembre 13, agud matapos ang tuigan nga proseso sang liquidation sang ahensya kag pagbayad sa mga service providers.
Ginpahayag sang Senador nga madamo sang pigado nga mga Pinoy ang naglab-ot sa iya talatapan kag nagreklamo.
Ginhambalan man sang natungdan ang DSWD nga ipaathag ang isyu sa publiko.
Ginmanduan man sini ang Committee Secretariat nga magpadala sang show cause order kay Dumlao bangud sa kapaslawan nga makatambong sa hearing matapos gintawag kuno ni DSWD Secretary Rex Gatchalian.
Dugang niya nga ang Komite dapat magpaguwa sang show cause order kag ipapaathag sa iya ang iya indi pagtambong sa amo hearing.
Suno kay Go, kon sin-o ang absent subong nga adlaw, dapat nga mag-isyu sang show cause order.
