Firing squad sa plaza ang luyag nga pamaagi ni Senator-elect Ronald ‘Bato’ dela Rosa sa mga drug traffickers may kaangtanan sa ginaduso nga death penalty sa pungsod.
Suno kay dela Rosa, mas maayo kun ipakita sa publiko ang pagpatay sa mga drug traffickers sa diin may yara sang media nga makit-an sang tawo agud nga makulbaan ang mga ini kag indi na maghimo pa sang sala.
Si dela Rosa nga anay Philippine National Police (PNP) Chief ang nag-umpisa sang kampanya batuk sa iligal nga droga sang pagpungko ni Presidente Rodrigo Duterte sa pwesto.
Gin-athag naman ni dela Rosa nga ang iya nga bersyon sang death penalty ang para sa drug trafficking ukon mga bg time drug traffickers nga nagapaduging sang droga sa Pilipinas.
