Gin-ako ni Senator Loren Legarda nga naghinulsol ini nga nag-upod sa minority bloc.
Ginpakigbahin sang senadora kay senador Panfilo Lacson nga nagsala ini sa pag-upod sa grupo ni Senate Minority Leader Alan Peter Cayetano sang agawon sini ang Senate presidency sadtong Mayo 11.
Suno kay Lacson, ginkasubo man sini ang desisyon sang senadora nga mag-upod kay Cayetano, bangud orihinal ini nga miyembro sang grupo nga ginapamunuan sadto ni Sen. Vicente Sotto III.
Pahayag pa ni Lacson nga bukas ang majority sa posibilidad nga magabalik si Legarda.
Nagapabilin nga naka-medical leave si Legarda halin sadtong Agosto 3 kag ginapahayag nga sa France ini nagapabulong.
Nahibaluan nga nagapangatubang si Legarda kag ang iya bata nga si Batangas Representative Leandro Leviste sa preliminary investigation sang Ombudsman kaangot sang ginaalegar 10 bilyon pesos nga “ghost” solar power projects.
Gin-engganyo man ni Lacson si Legarda nga magpauli sa pungsod kun makaya sang iya nga kondisyon agud nga atubangon ang nasambit nga imbestigasyon.
